CHENNAI Vs KKR: ఎట్టకేలకు చెన్నై గెలుపు
CHENNAI Vs KKR: చెన్నై కు ఎట్టలకేలకు ఊరట లభించింది. నాలుగు ఓటముల తర్వాత విజయం సాధించింది. ప్లే ఆఫ్స్‌కు చేరాలంటే తప్పక గెలవాల్సిన కీలక మ్యాచ్ లో కోల్‌కతా నైట్ రైడర్స్ ఓటమి పాలైంది. వరుస పరాజయాలతో సతమతమవుతున్న చెన్నై సూపర్ కింగ్స్ ఎట్టకేలకు ఒక విజయం సాధించింది. రెండు వికెట్ల తేడాతో కేకేఆర్‌పై గెలుపొందింది. ఈ పరాజయంతో కోల్‌కతా ప్లే ఆఫ్స్ అవకాశాలను దాదాపు దూరం చేసుకుంది. కోల్‌కతాలోని ఈడెన్ గార్డెన్స్‌లో కోల్‌కతా నైట్ రైడర్స్, చెన్నై సూపర్ కింగ్స్ జట్లు తలపడ్డాయి (KKR vs CSK).
టాస్ గెలిచిన కేకేఆర్ కెప్టెన్ అజింక్య రహానే బ్యాటింగ్ ఎంచుకున్నాడు. కెప్టెన్ అజింక్య రహానే (48) మరోసారి కీలక ఇన్నింగ్స్ ఆడాడు. మనీష్ పాండే (36 నాటౌట్), ఆండ్రూ రస్సెల్ (38), సునీల్ నరైన్ (26) కూడా కీలక పరుగులు చేశారు. దీంతో కోల్‌కతా నిర్ణీత 20 ఓవర్లలో 6 వికెట్లు కోల్పోయి 179 పరుగులు చేసింది. చెన్నై బౌలర్లలో నూర్ అహ్మద్ నాలుగు వికెట్లు పడగొట్టాడు. రవీంద్ర జడేజా, అన్షుల్ కాంబోజ్ ఒక్కో వికెట్ తీశారు.
కోల్‌కతా నిర్దేశించిన 180 పరుగుల లక్ష్యంతో బరిలోకి దిగిన చెన్నైకు మంచి ఆరంభం లభించలేదు. గత మ్యాచ్ హీరో ఆయుష్ మాత్రే రెండో బంతికే అవుటయ్యాడు. ఆ తర్వాత కాన్వే (0), అశ్విన్ (8), రవీంద్ర జడేజా (19) కూడా త్వరగానే అవుటయ్యారు. 60 పరుగులకే 5 వికెట్లు కోల్పోయి కష్టాల్లో పడిన చెన్నైను బ్రేవిస్ (52), శివమ్ దూబే (45) ఆదుకున్నారు. ఉర్విల్ పటేల్ (31) కూడా కీలక పరుగులు చేశాడు. చివర్లో ధోనీ (17) మరోసారి తన మార్క్ ఇన్నింగ్స్ ఆడాడు. దీంతో చెన్నై 19.4 ఓవర్లలో ఎనిమిది వికెట్లు కోల్పోయి లక్ష్యాన్ని ఛేదించింది.
మ్యాచ్ మలుపు తిప్పిన జూనియర్ ఏబీడీ..
ఈ మ్యాచ్ గెలుపు క్రెడిట్ బేబీ ఏబీ డివిలియర్స్‌దే. విధ్వంసకర బ్యాటింగ్‌తో అతను మ్యాచ్‌ను మలుపు తిప్పాడు. 180 పరుగుల లక్ష్యచేధనలో సీఎస్‌కే‌కు ఆశించిన ఆరంభం దక్కలేదు. ఓపెనర్లు ఆయుష్ మాత్రే(0), డెవాన్ కాన్వే(0) డకౌట్‌గా వెనుదిరిగారు. అరంగేట్ర ప్లేయర్ ఉర్విల్ పటేల్ మెరుపులు మెరిపించినా.. ఎక్కువసేపు క్రీజులో నిలబడలేకపోయాడు. అశ్విన్(8), జడేజా కూడా నిరాశపర్చడంతో సీఎస్‌కే 60 పరుగులకే ఐదు వికెట్లు కోల్పోయి పీకల్లోతు కష్టాల్లో పడింది.
ఈ పరిస్థితుల్లో బ్యాటింగ్‌కు వచ్చిన డెవాల్డ్ బ్రెవిస్.. విధ్వంసం సృష్టించాడు. ముఖ్యంగావైభవ్ అరోరా బౌలింగ్‌లో 3 సిక్స్‌లు, 3 ఫోర్లతో.. 6 బంతుల్లో బౌండరీలు బాది హాఫ్ సెంచరీ పూర్తి చేసుకున్నాడు.